LAOAG CITY – Nagibunong ti Pugad Lawin Philippines ti libro kadagiti sumagmamano a pagadalan ditoy probinsya.
Segun ken ni Mr. Zanders Lucas, National Treasurer ti nasao a grupo, adda ti innem a pagadalan iti ili ti Paoay ken uppat a pagadalan iti ili ti Banna ti naikkan da kadagiti libro a para iti Grade 1 agingga ti Grade 6.
Inbatad ni Lucas nga iti kada pagadalan ket inlatangan da ti 150 ribo a pisos a pondo para kadagiti inbunong da a libro.
Inlawlawag na a dagiti inbunong da a libro ket pangsupusop da kadagiti agdama nga us-usaren dagiti agad-adal tapno manayunan pay ti ammo ken masursuro da.
Inpakaammo na nga ita nga aldaw ket agturong da iti Barangay Cacafean iti ili ti Marcos tapno isu ti sumaruno a pagibunungan da kadagiti libro.
