LAOAG CITY – Maladingitan ti Philippine National Police (PNP) ditoy probinsya iti pannakatiliw ti maysa a personnel gapo iti kaso nga Acts of Lasciviousness.
Segun kenni Police Major Jephre Taccad, pannakangiwat ti Ilocos Norte Police Provincial Office (INPPO), malaksid iti naipila a kaso kontra iti nadakamat a pulis ket sumango pay iti kaso administratibo.
Kunana a basar iti impormasyon da, ita a tawen a nagpila ti reklamo ti menor de edad gapo iti maipagarop a child abuse.
Naamoan a ti pulis ket dati a na-assign iti nagduduma a kwerpo ti pulisya ken iti NAPOLCOM Regional Office ken ti naudi ket iti Holding Office.
Inbatad na nga adda ti datin a nakairamamanan a kaso ti pulis ken naresolbar dagiti dadduma.
Kabayatanna, kunana nga laksid iti sangsangwen a kaso ti pada da a pulis ket itultuloy latta da latta ti mangipaay ti serbisyo ken masapol a mapagtalinaed a nadalos ti nagan da tapno saanen a maulit daytoy.
