LAOAG CITY – Inlawlawag ni Police Senior Supt.Jovencio Badua, Provincial Director ti Ilocos Sur nga agpayso a naka-assign ni PO2 Rolly Dizor, ti maipagarop a nagpaputok ti paltog idiay San Nicolas.
Segun kenni Badua, nadis-armaran ni Dizor gapo ti kaso na a panagpaputok met laeng ti paltog idiay ili ti Salcedo, Ilocos Sur.
Inbatad na a na-assign ni Dizor iti PHAU kalpasan a naamoan da nga adda ti sakit na nga epilepsy ken nabagaan da na a nalag-an ti agbalin a trabaho na.
Inlawlawag na a saan na nga ammo a nagturong ni Dizor ditoy probinsya gapo ta saan met a nagpakada.
Inpetteng na a saan da a kunsitiren ti nasao nga insidente ken no mabalin ket maikkat a dagus iti serbisyo.
Kabayatanna, kuna ni Badua a ti dati a kaso administratibo a naipala kontra kenni Dizor ket naipangaton iti Regional Office.
