LAOAG CITY – Naiyalud-od ti quarterly tax payment deadline ti Bureau of Internal Revenue.
Segun ken ni Mr. Aldrin Camba, ti Revenue District Officer ti Bureau of Internal Revenue, nangiparuk-at ti Commissioner ti memorandum iti Bureau of Internal Revenue maipanggep iti pannakaiyalud-od daytoy gapu iti iduduprak ti Bagyo Kristine.
Inbatadna a daytoy ket agingga inton Oktubre 31 nga awan ti maipataw a multa.
Inlawlawagna a gapu ta awanen ti trabaho ti malem ket mabalinda nga usaren ti electronic services.
Maipalagip a ti naituding a panagbayad koma dagiti taxpayers ket idi Oktubre 26 para iti Percentage Tax ken Value Added Tax iti kada kuarter.
