LAOAG CITY – Inpakaammo ti Buckingham Palace a kasapulan nga aginana ken agagas ni Queen Elizabeth II iti dua a lawas iti Britanya.
Daytoy ket kalpasan a naiyospital ti reyna iti nagpatnag tapno dumalan iti preliminary tests.
Basar pay iti statement ti palasyo, inbalakad pay dagiti doktor a ti agtawen ti 95 a reyna, a nasken a maitultuloy na ti desk-based duties gapu ta dandanin a maselebraran ti Platinum Jubilee no sadinno a 70 a tawenen nga adda iti trono intono sumaruno a tawen.
Magiyuswat ti sumagmamano a virtual audiences, ngem saan nga agbisita.
Agtalinaed ti intensyon ti reyna nga adda iti imatang na iti National Service of Remembrance iti Remembrance Sunday, intono Nobyembre 14.
Kalpasan ti pito a dekada a panagserbi ti reyna, ngem iti maysa a rabii a naiyospital ket kapilitan a sumuruten kadagiti medical advice dagiti doktor nga aginayaden daytoy.
Kinanselar ti reyna ti panagatendar na iti UN climate conference, a mangrugi intono Domingo, idiay Scotland.
Kuna ti Buckingham Palace a nadismaya ti reyna nga agsanod ngem ketdi sumurot kadagiti medical advice tapno aginana. (CNN International)
