LAOAG CITY – Nagun-od ti Rain or Shine ti maikanem a puesto tapno naan-anayen a makastrek iti playoffs ti PBA 49th Commissioner’s Cup.
Daytoy ket kalpasan nga inabakna ti TNT iti iskor a 106-96 iti ay-ayam a naisayangkat iti PhilSports Arena iti siudad ti Pasig
Indauloan iti panagballigi ti Elasto Painters ti import a ni Deon Thompson nga addaan ti 22 points ken 16 rebounds idinto nga addaan ti 21 points ni Anton Asistio ken 20 points ni Santi Santillan.
Makasango ti Rain or Shine ti number 3 a Converge iti race-to-two quarterfinals idinto a ti TNT ket makabinnalubalda ti Hong Kong Eastern iti umuna a round ti knockout stages.
