LAOAG CITY – Naruay ti nangbabalaw ti nagbalin a rakurak ni United States President Donald Trump a nakasagana nga i-take over-da ti Gaza.
Inbatad ni United Nations Secretary Generals Spokesperson Stephane Dujarric a daytoy a rakurak ni Trump ket ad-adda a mangpakaro pay ti problema.
Inbatadna a napatpateng no sumurot lattan iti naikeddeng nga international law ken liklikan ti aniaman nga ethnic cleansing.
Nagballaag pay ti United Nations Human Rights Office a ti puersa a pannakaiyakar wenno panangpatalaw kadagiti tattao manipud iti occupied territory ket masya a panaglabsing iti international law.
Inlawlawagna a nasaysayaat laengen nga ilungalong ti ceasefire tapno naan-anayen nga agsardeng ti riribok.
Immunan a kinontra ti Palestinians, Egypt, Jordan ken Saudi Arabia.
Maipalagip nga inpetteng ni Trump nga adu ti immannugot ti proposal.
Inwayat ni Trump ti rakurak kalpasan ti panagtaripnongda idi bisitaen isuna ni Israel Prime Minister Benjamin Netanyahu.
