LAOAG CITY – Nagballigi dagiti kameng ti Philippine National Police (PNP) ti inyuswat da a drug-buy-bust operation idiay Barangay Veronica, Paoay, Ilocos Norte.
Nabigbig ti subject ti operasyon a ni Eugenio Cacayurin, agtawen ti 41, awanan ti asawa ken residente ti Barangay Laoa ti nasao nga ili.
Naglako ni Cacayurin ti maysa nga heat sealed plastic sachet a naglaon ti maipagarop a shabu nga agbalor ti 500 a pisos ti maysa a pulis a nagpammarang a poseur buyer.
Ti panangkapkap da ken ni Cacayurin ket adda pay ti naala dagiti otoridad a maysa a sachet a maipagarop a naglaon ti shabu.
Naamoan a ni Cacayurin ket maibilang kas Rank No. 1 ti Drug Watchlist ti PNP ti nasao nga ili ken daytoy ket addan ti immuna a sinango na a kaso.
