LAOAG CITY – Natiliw ti maibilang a rank no. 3 street level category a drug personality iti ili a Vintar bayat ti naisayangkat a drug buy bust operation iti paset ti Bgy. Parut ti nasao nga ili.
Nabigbig daytoy a ni Leonardo Dumbrique, agtawen ti 36, baro ken residente ti nasao a barangay.
Naala iti ikot ni Dumbrique ti maysa a plastic sachet a naglaon iti maatap a shabu kalpasan a maysa a pulis ti nagpamamrang a gumatang ti maipawil a droga ken ti busy money 500 a pisos.
Malaksid iti nasaao a banag, adda pay naala da iti suspek kalpasan a kinapkapan da daytoy a sabali pay a sachet a naikarga iti pouch, kuwarta ken lighter.
Nupay kasta, naglikudan ni Dumbrique a kukua na dagiti nasao a banag.
Inadmtir na nga adda pannakainaig na idi 2007 iti operasyon ti maipawil a droga ngem nagtalnan daytoy.
Kabayatan na, paspasingkedan dagiti opisyales ti Barangay a masansan a mairekreklamo ni Dumbrique gapu iti panagporbprobokar na nangnangruna no adda iti impluwensiya ti nasanger.
Inbaga met ti PNP-Vintar nga itinton Korte ti pangipaneknekan ni Dumbrique iti alegasyon na a saan na a kukua dagiti naala kenkuana.
