LAOAG CITY – Inpasigurado ti aktor a ni Rayver Cruz a ti nobya na a singer/actress a ni Julie Ann San Jose ti kayat na a makadenna iti tungpal biag isut gapuna nga iti panagkasar da ti pagtungpalan ti relasyon da.
Daytoy ti nagbalin a sungbat ni Rayver iti kanayun a pannakasaludsud kadakuada iti nobya na no kaanu ti plano da a panagkasar.
Inlawlawag ni Rayver a mapagsarsaritaan dan ken ni Julie Ann ti panagkasar da ngem kasapulan a planwen da a naimbag gapu ta kayatda a napintas ti resulta na.
Kuna pay ti aktor a ti saan nga agbayag ket mapasamak daytoyen ngem saanna pay a mabalin nga idetalye amin iti publiko dagiti plano na para kadakuada ken ni Julie Ann.
Mainaig iti daytoy, inrakurak met ni Julie Ann a ti kayatna ket traditional church wedding, ngem saanna pay a maibaga no simple wenno intimate ti selebrasyon gapu ta dakkel ti pamilya ni Rayver.
