LAOAG CITY – Agpada nga inparipirip dagiti agayan-ayat a Julie Anne San Jose ken Rayver Cruz a possible nga agkasar da intono 2027.
Iti “Fast Talk with Boy Abunda”, napagsaludsudan da Julie ken Rayver iti “Agree o Disagree” segment, no sadinno a nasaludsud kadakuada no agkasar dan iti 2027.
Inngato nga agpada da Julie Anne ken Rayver ti placard nga “Agree” sign.
Kabayatanna, saan met a pabor da Julie Anne ken Rayver ti panaglive-in nga umuna sakbay nga agkasar da.
Inlawlawag ti aktor nga old-fashioned ti pamilya na kasta met iti aktres isut gapu na a rumbeng a suruten da no ania ti kayat dagiti nagannak da.
Immunan nga inrakurak ni Rayver a naan-anayen a nakasagana a mangbukel ti bukodna a pamilya ngem nakadepende ken ni Julie Anne no kaano nga agdesisyon tapno agkasar dan.
