LAOAG CITY – Nagkedked paylaeng ti aktor a ni Rayver Cruz a mangipublikar kadagiti plano na para kadakuada iti long-time girlfriend na a ni Julie Anne San Jose.
Nupay kasta, kuna na a dakkel ti posibilidad na a mapasamak ti ur-urayen ti kaadoan, partikular ti panagkasar da ken ni Julie Anne intono 2027.
Iti met biang ni Julie Anne, inadmitir na a rinugyan na ti agsagana para iti kasar da ken ni Rayver, kagiddan ti panangirakurak na a maysa kadagiti sigurado a ninong da ket ti nalatak a TV host a ni Boy Abunda.
Mainaig iti daytoy, kuna met ni Rayver nga iti baet ti panagbalin na a naulimek no maipapan iti kasar da kenni Julie Anne ket napalaus ti panangipateg na iti aktres ken ammona nga isunan ti makadenna na iti tungpal biag.
