LAOAG CITY – Mangnamnama ni Ako Bicol Partylist Rep. Alfredo Garbin nga ibutaktak ni dati a Congressman Zaldy Co ti amin nga ammona mainaig iti budget insertions ken flood control scam.
Inbatadna daytoy kalpasan ti anunsio ni Presidente Ferdinand Marcos Jr. a naarestaren ni Co idiay Prague, Czec Republic.
Mamati ni Garbin nga adu pay dagiti saan a nadakamat ni Co.
Kunana nga adda iti umno a panawen ken no maikkan ti due process ni Co iti babaen ti linteg ket maibutaktakna ti amin nga ammona.
Ni Co ti dati a pannakabagi ti Ako Bicol Partylist nga ireprepresentar ita ni Garbin.
