LAOAG CITY – Makikoordinar ni Ombudsman Jesus Crispin Remulla kadagiti otoridad ti France ken European Union mainaig iti panagbirok ken ni dati nga Ako Bicol Rep. Zaldy Co ken tapno ammoen ti kasasaad ni Senador Loren Legarda.
Kalikagum ni Remulla a makasarita ti French authorities ken Philippine Embassy iti France kas paset ti diplomatic coordination ti gobierno.
Immuna iti daytoy, nagsurat ti Ombudsman ken ni French Ambassador to the Philippines Donatienne Hissard tapno mangikeddeng ti taripnong.
Naamoan nga awan extradition treaty ti pagilian ken France ngem segun ken ni Remulla a saan daytoy nga otomatiko a lappedan ti gobierno iti panagbirok iti dadduma a legal ken diplomatic avenues.
Maipalagip nga immunana nga inbatad idi Setiembre 7 a planona ti makisarita iti French authorities mainaig kada Co ken Legarda.
Addan warrant of arrest ni Co manipud iti Sandiganbayan mainaig ti plunder case nga inpila ti Ombudsman gapu iti maipagarup a kickback scheme iti flood control projects.
Malaksid iti daytoy, inimbestigaran pay ti Ombudsman ni Legarda ken ti anakna a ni Batangas Rep. Leandro Leviste mainaig dagiti alegasion iti solar energy projects ngem naglikudanda dagiti biddut.
Inlawlawag ni Remulla a ti plano a pannakaitaripnong iti French ken European authorithies ket saanna kaayat a saoen a maisublu iti pagilian da Co wenno Legarda.
Kabayatanna, inbatad ni Interior Secretary Jonvic Remulla nga agsina a pokusan iti France ti kiddaw ti pagilian iti Interpol para iti red notice kontra ken ni Co.
