LAOAG CITY – Nakasagana ni Cavite 4th District Rep. Kiko Barzaga nga awaten no bilang agdesision ti Kamara de Representantes nga ikkaten isuna kas miembro daytoy.
Nupay kasta, inpetteng ni Barzaga a nasken nga ikkaten kas miembro ti House of Representatives dagiti karaman iti maanomalya a flood control projects.
Rakurak daytoy ni Barzaga iti baet ti plano ti National Unity Party a mangipila ti baro a reklamo iti House Committee on Ethics and Privileges kontra kenkuana.
Inbatad ni House Deputy Speaker Rep. Ronaldo Puno ken Chairman ti National Unity Party a kiddawenda ti naan-anay nga expulsion ni Barzaga iti Kamara de Representantes.
Mainaig iti daytoy, inpalgak ni Barzaga nga arig dakkel ti ambag wenno maitultulong ni Puno ditoy Pilipinas.
Innayonna a naruay ti am-ammona a Sangguniang Kabataan nga ad-adu pay ti natulunganna no idasig ken ni Puno.
