LAOAG CITY – Saan a mapaayaban wenno isyuan ti subpoena ti Senate Blue Ribbon Committee ni Ako Bicol party-list Rep. Elizaldy Co iti baet kadagiti nadadagsen nga alegasion a naibutaktak kontra kenkuana mainaig iti maipagarup a korapsion iti flood control projects.
Inbatad ni Senate President Pro Tempore Ping Lacson a sursurotenda ti inter-parliamentary courtesy isu a saanda a direkta nga imbitaran ti kongresista.
Nupay kasta, mabalin nga agboluntario nga agatendar ni Co tapno sungbatan dagiti akusasion kontra kenkuana.
Silulukat met ti komite no kalikagum ni Co a sumango iti panagdengngeg tapno sungbatan dagiti pammabalaw da dati a District Engineer Henry Alcantara ken dati nga Assistant District Engineer Brice Hernandez.
Kabayatanna, kuna ni Senador Erwin Tulfo, nakadepende ken ni Co ti panagatendar iti imbestigasion mainaig iti maipagarup a korapsion iti flood control projects.
