LAOAG CITY – Naaprubaranen ti indasar a resolusion ni Sangguniang Panlungsod Member Justine Chua mainaig ti naiget a pannakaipaay ti Awareness, Prevention, ken Response Measures kontra ti Leptospirosis kadagiti barangay ditoy siudad ti Laoag.
Inbatadna nga idi laeng napalabas a tawen ket adda ti 15 a nagpositibo ti leptospirosis ken 4 ti pimmusay iti nasao a siudad no sadinno a 2 kadagitoy ket manipud iti Barangay Bengcag ken Barangay San Agustin.
Inlawlawagna a napateg daytoy a gakat nangruna ita a panawen ti panagtutudo no sadinno a makaipaay ti risgo iti danom a mabalin a pakaalaan ti sakit.
Kabayatanna, inbatad met ni Vice Mayor Rey Carlos Fariñas a rumbeng a maipakaamo iti publiko ti libre nga agas nga ipaay ti City Health Office (CHO) tapno makatulong ken isu pay a gatangenda.
