LAOAG CITY – Balligi a naarestar ti Top 7 Wanted Person iti Regional level.
Ti akusado ket agtawen ti 67, naasawaan, retired city electrical engineer ken residente iti Brgy Calayab, ditoy ciudad ti Laoag.
Naarestar ti akusado babaen iti panangidaulo ni hepe PLtCol Joseph Baltazar, chief of police ti PNP-Laoag, ken ti panagtitinulong ti PSET nga idadaulwan ni PCapt Tolentino Erum Jr., Provincial Intelligence Unit ken dadduma a kameng ti Ilocos Norte Police Provincial Office.
Naiserbi iti akusado ti Warrant of Arrest nga inparuk-at ni Hon. Bonhoever Vergara Bernardez, Asssiting Judge ti Rehional Trial Court Branch 11 ditoy siudad ti Laoag gapu iti panaglabsing ti Republic Act 8353 wenno Rape a napetsaan idi Agosto 16, 2022.
Awan met ti nairekomendar a piyansa ti akusado para iti temporaryo a panaka waya-waya na.
