LAOAG CITY – Saan a pabor ni Mrs. Teresita Orcino, maysa retirado a mangisursuro ditoy probinsya iti pannakaipababa ti tawen dagiti mabalin nga agusar ti e-cigarrettes wenno vape.
Daytoy ket partikular dagiti agtawen ti nababba ngem 21 wenno 18.
Segun ken ni Orcino, malaksid nga ubing pay dagiti agtawen ti 18 ket makaperdi iti salun-at ti vape.
Kuna na nga awan pay ti pagsapolan dagitoy rason a saan koma a rumbeng a malakuan iti aniaman a klase na ti sigarilyo.
Inbatad na a nasken a mapagtalinaed ti 21 a tawen dagiti agusar iti vape gapu ta malaksid nga ad-adda a nataengan dagitoy ket mabalin nga adda ti pagngedan da.
Immunan nga inbalakad ni Orcino kadagiti nagannak a saan nga ipalubos a makagatanag ti sigarilyo wenno vape dagiti annak nga awan pay iti legal nga edad tapno agusar iti daytoy.
Maipalagip nga immapela ti Department of Education ken ni Presidente Rodrigo Duterte a mai-veto ti Vaporized Nicotine Products Regulation Act wenno Vape Bill a mangipababa ti legal age a mabalin a makausar ti e-cigarrettes wenno vapes manipod kadagiti agtawen ti 21 ket mapagbalin a 18.
