LAOAG CITY – Inbatad ni Engr. Manuel Aurelio iti City Engineering Office ditoy ciudad ti Laoag nga iti inyuswat da nga inspeksyon iti Sinking Bell Tower kalpasan ti gingined ket adda dagiti nakita da a rikki iti uneg daytoy.
Segun kenni Aurelio, masapol a matarimaan a dagus daytoy uray saan a maibilang unay a delikado tapno met laeng natalged ti publiko.
Inpalgak na a masapol a makita dagiti structural engineers ti bell tower para iti pannakatarimaan daytoy.
Dinakamat na pay a mangipasa da ti report iti gobierno probinsyal tapno isu ti pagibasaran iti panangipakammo iti National Heritage Commission para iti pina a desisyon no kasano ti pamay-an iti daytoy.
Inlawlawag na nga ummuna da a kinita ti City Hall, iti merkado publiko ken dadduma pay a pasdek a kukua ti lokal a gobierno ti ciuad ngem natalged met dagitoy.
Kunana a nakaited da metten ti inisyal a report kenni Mayor Michael Marcos Keon.
