LAOAG CITY – Napalaos ti ragsak dagiti Pilipino idiay New York iti pannakisango kadakuada ni Pres. Ferdinand Marcos Jr.
Segun kenni Bombo International News Correspondent George Roldan, agarop dua a ribo a Pilipino ti nagturong iti lugar ken adda pay dagiti naggapo iti sabali nga estado iti Amerika ken adda pay ti naggapo iti Canada.
Inbatad na a natalna ti panangsarabo da kenni Marcos ngem saan adda latta met dagiti nagprotesta a kontra kenni Marcos idiay New York.
Kalikagom na pay ti panagkaykaysa a kas met laeng iti gagem ni Pres. Marcos.
Mainaig iti daytoy, inbatad ni Bombo International News Correspondent Ceasar Barangan idiay met laeng New York a naragsakan dagiti Pilipino iti linaon ti mensahe ni Marcos.
Karaman kadagiti trinatar ni Marcos ket iti agrikultura partikular kadagiti probinsya nangruna ket kaadoan kadagiti Pilipino idiay New York ket manipud iti probinsya.
Malaksid iti daytoy, karaman py a nadakamat ni Marcos iti edukasyon nangruna ket adda ti dakkel a grupo dagiti mangisusuro idiay New York.
Kunana a naragsak da amin kabayatn ti taripnong no sadinno ket nakita pay ti presidente dagit frontliners a Pilipino.
Dinakamat na a maysa kadagiti pinalakpakan dagiti Pilipino a naibaga ni Marcos ket ti panagkalikagom na a mapasubli ditoy Pilipinas dagiti nalalaing a Pilipino nga adda idiay Amerika.
