LAOAG CITY – Nagbalin a naragsak ti tinawen a parada idiay Newtown, Pennsylvania, U.S.A. kalpasan a ginandat ti rinibu a nagatendar a makagun-od ti Guinness World Record iti babaen ti kadakkelan a panaggegeddan a panagsala ti “Macarena.”
Ti Newtown Business Association ti immuna iti world record attempt daytoy, naimbitaran dagiti nakipaset ken nagbuya ti McCaffrey’s Newtown Holiday Parade a agtitipon iti tengnga ti Sycamore Street tapno aggegeddan nga agsala ti “Macarena.”
Ti McCaffrey’s Newtown Holiday Parade ket maysa a selebrasion iti ili ti Newtown, Pennsylvania nga inatendaran dagiti residente ken turista tapno selebraran ti rugi ti holiday season.
Basar iti agdama a record, ti kadakkelan a panagsala ti “Macarena” ket nairekord idi 2011 iti Eggbuckland Community College idiay England a nakairekord ti 2,219 dancers.
