LAOAG CITY – Inbatad ni Sang. Panlungsod Member Jason Perera ditoy ciudad ti Laoag a dakkel ti epekto ti saan a panagkinnaawatan da Pres. Bongbong Marcos ken Sen. Imee Marcos.
Segun kenni Perera, maapektaran dagiti lokal a gobierno ditoy probinsya ken ti rakurak ni Sen. Imee ket saan kuma a maipublikar no diket pagsaritaan da iti uneg ti pamilya.
Kunana a ti simpatya dagiti tattao ket mapan kenni Pres. Marcos ngem addaan da met ti gagem a panagserbi iti publiko.
Mainaig iti daytoy, kunana naikiddaw kenkuana a saan na a mangipasa ti resolusyon tapno saan a mapilitan dagiti miembro ti konseho nga arig na agpili no siasinno ti suportaran da.
