LAOAG CITY – Inbatad ni Russian President Vladimir Putin a nakasagana ti Moscow a mangipaay ti maibilang nga “uninterrupted shipments” iti petrolyo iti India, iti baet a makapaspasar ti pressure ti Delhi manipud iti US nga agsardeng ti panaggatang ti Russian oil.
Ni Putin ket nakitaripnong kenni Indian Prime Minister Narendra Modi idiay Delhi.
Kageddan iti daytoy ket kwinestyunaran ni Putin no apay a madusa ti India iti panaggatang ti petrolyo gapo ta uray ti Amerika ket gumatgatang ti nuclear fuel iti Moscow.
Ummuna iti daytoy, nangipataw ni President Donald Trump ti 50% tariffs kadagiti ado nga Indian products, kageddan ti rakurak na a ti agtultuloy a panaggatang ti Delhi iti Russian oil ket makatulong tapno mapondoan ti gubat iti Ukraine – banag a naglikudan ti India.
Kabayatanna, ti panagbisita ni Putin kabayatan ti panangiyuswat ti Amerika ti serye ti saritaan iti Russia ken Ukraine para iti peace deal a manglippas iti gubat.
