LAOAG CITY – Inrakurak ni Chief of General Staff Valery Gerasimov a nangiwayat ti Russia ti nuclear-powered Burevestnik missile nga addaan ti kapaspas a 14,000km.
Ti low-flying experimental weapon ket immuna a nairakurak idi 2018 nga addaan ti unlimited range ken addaan ti kapabilidad a mangliklik kadagiti missile defences.
Segun ken ni Russian President Vladimir Putin, naiwayat ti final successful test ti armas idi 2023 a kadagupan iti 13 a test ket dua laeng ti maibilang a balligi sipod idi 2016 kas maibasar iti arms control campaign group.
Inbatad ni Gen. Gerasimov a ti missile nga adda iti tangatang iti uneg ti 15 nga oras kabayatan ti test daytoy idi Oktubre 21.
Basar iti 2021 report by the US Air Force’s National Air and Space Intelligence Cente, mangirubuat ti Russia ti nuclear-powered cruise missile a maibilang a naidumduma nga armas nga addaan ti intercontinental range capability.
Nupay kasta, inpetteng ti International Institute of Strategic Studies a sumango ti Russia kadagiti nadadagsen a pannubok iti panagaramid ti armas.
