LAOAG CITY – Tinamaan ti Russian drone ti train nga asideg iti Ukraine-Poland border sumagmamano laeng a gundaway kalpasan a pimmanaw iti lugar ni dati nga United Kingdom Prime Minister Boris Johnson ken dagiti top European security officials.
Da Johnson ken dagiti European national security advisers ket naggapo da iti Kyiv manipod iti inatendaran da a conference.
Awan met ti naireport a casualties kalpasan ti strike iti Yahodyn, a nakatamaan ti engine ti tren.
Inbatad dagiti otoridad nga amin dagiti pasahero ti tren ket natalged a naibakwit.
Patien ti state railway company Ukrzaliznytsia a ti pudno a puntiryaen kom ti Russia ket ti diplomatic train wenno ti nagluganan da Johnson ken European national security advisers.
Iti statement, naisapsapa ti panagbiyahe ti diplomatic train gapu ta nagsukat ti oras mainaig paylaeng ti nagsasaruno a pangta ti Russian strikes.
