LAOAG CITY – Inpasigurado ni Mrs. Helen Rose Domingo, Provincial Sports Dev’t Officer a naiget a nasurot ti protocol bayat ti pannakaisayangkat ti AMB Beach Volleyball Tournament.
Segun kenni Domingo, adda ti sursuruten da a procedures sakbay a maipalubos ti sports activities ditoy probinsya no sadinno a dumalan pay laeng iti opisina da ti papeles iti maorganisar ti maysa nga sport event.
Inlawlawag na a saan a dimmalan iti swab test dagiti nakipartisipar gapo ta inter-province ti paay-ayam ken awan ti taga sabali a probinsya a nakipaset.
Inbatad na nga adda ti risk assessment management a sursuruten da kadagiti players iti sports activities ditoy probinsya.
Kunana a sakbay a makipartisipar dagitoy iti group activities ket dumalan da pay laeng iti self training iti 14 nga arig na isu ti pannaka-quarantine da ken maiyuswat laeng ti panagswab test dagiti partisipantes no adda dagiti taga sabali a probinsya.
Basar pay kenkuana, ti laeng napalubosan a makipartisipar ket dagiti atleta, coaches ken technical officials ken saan a mabalin dagiti agbuya tapno maliklikan ti panagdudupudop dagiti tattao.
Kunana a ti opisina da mismo ti nangmanihir ti pannakaisayangkat daytoy beach volleyball tapno masigurado a masursurot dagiti health protocol.
Innayon na a dagiti atleta ket kasapulan nga addaan wenno agtultuloy latta dagitoy iti training gapu ta importante kadakuada ti physical fitness ken kasapulan a nakakondisyon ti bagi dagitoy sakbay nga agay-ayam.
