LAOAG CITY – Naparwar a narames ti biktima a ni Elizabeth Villanueva kalpasan a nabirokan ti bangkay na nga agruprupsa iti Brgy. 27 Sulbec iti ili a Pasuquin.
Daytoy ti inbatad ni Police Chief Insp. Joseph Dela Cruz, hepe ti PNP Pasuquin.
Kuna na a silalamo-lamo a nabirokan ti bangkay ti biktima ken arig a narames.
Segun kenni dela Cruz, saan met a mamati a narames ken agtultuloy ti ekasminasyon dagiti kameng ti SOCO.
Iti inisyal nga imbetigasyon ti PNP, inbatad ni dela Cruz nga iti motibo ti krimen ket gura gapu ti panangisina ti biktima iti suspek a ni Jordy Oppic, maysa a construction worker ken residente ti Brgy 5 iti nasao nga ili.
Inpakaammo ni Police Chief Insp. dela Cruz, a naibutaktak ti biktima a ni Elizabeth Villanueva, ket ti suspek a ni Jordy Oppic ti nangppatay ti bukod na nga ama iti kallabes.
Kuna na a naparuar a natay ti ama ti suspek babaen ti sakit ngem ti inbaga ti biktima ket natay gapu ti panangbekkel ti suspek.
Segun kenni dela Cruz, dimmakkel daytoy nga isyu agingga a kimmaru ti gura ti suspek kenni Villanueva nga isu ita ti kitkitaen ti PNP nga motibo ti pannakapapatay ti nasao a biktima.
Mainaig iti daytoy, iti inisyal nga panangasses ti otoridad, maipagrup nga adda ti sugat iti bukot ti biktima kalpasan a nabirokan da nga agruprupsan a bangkay iti Brgy. Sulbec iti ili a Pasuquin.
Iyur-uray da ti resulta ti eksaminasyon ti SOCO team iti bangkay.
Maisagsagana metten ti kaso a maipila kontra kenni Oppic kalpasan a naalaan ti paltog ken 4 a sachet a naglaon ti maipagarup a shabu iti follow-up operation ti PNP.
