LAOAG CITY – Naglikudan ni Dr. Joseph Adaya iti City Health Office ditoy ciudad ti Laoag nga agkurkurang ti rapid testing kit ditoy ciudad ti Laoag.
Daytoy ket kalpasan nga adda ti dimmanon ditoy Bombo Radyo a maipagarop nga agkurkurang ti suplay ti testing kit.
Inpetteng ni Adaya nga adda ti masursurot a sistema no sadinno ket masapol a mai-schedule ti panagpa-test kadagiti adda iti qaurantine facilities.
Inlawlawag na a no addan ti 10 nga aldaw a naka-quarantine ket mabalinen dumalan iti rapid test.
Nupay kasta, kunana a mabalin latta a saan a dumalan iti rapid testing dagiti naka-quarantine no nalpas dan ti 14 nga aldaw a panagtalinaed iti quarantine facility.
Inbatad na a no nakumpleton ti maysa nga indibidwal ti 14 nga aldaw a naka-quarantine ket mabalin nan ti rumwar ken saanen a makaakar uray asymptomatic daytoy.
Kuna ni Adaya nga agdependar iti naka-quarantine no kalikagom na a dumalan iti swab test ngem isuda ti mangibaklay ti magastos.
Kabayatanna, kuna ni Adaya a ti maiprayoridad a dumalan iti rapid test ket dagiti frontliners gapo ta ti kangrunaan na ma-expose kadagiti agsangpet nga LSI ken ROF pakairamanan dagiti apektado iti virus.
