LAOAG CITY – Saanen a makaumanay ti P18.62 a budget iti kada panganan ti maysa nga indibidual ita a tawen.
Daytoy ti inbatad ni Dr. Violeta Alonzo iti Social Sciences Department iti Mariano Marcos State University (MMSU).
Reaksyon daytoy ni Alonzo kalpasan nga adda ti report nga idi 2021 ket saan a maibilang a nakurapay ti maysa nga indibidual no ti budget ti kanen na iti kada panganan ket P18.62.
Inlawlawag na nga ita a tawen ket adon ti nagngatoan ti presyo dagiti magatgatang no ikompara iti napalabas a tawen isut gapuna a saanen a makaumanay ti nasao a kantidad nga igatang ti taraon.
