LAOAG CITY – Inbatad ni Sang Panlungsod Member Conrado Respicio a naipasan ti maysa nga ordinansa mainaig iti “Safer Internet Day for Children”ditoy ciudad ti Laoag.
Naipalaon pay iti nasao nga ordinansa nga iti kada maikadwa a martes iti bolan ti pebrero ket adda ti maisayangkat nga information drive.
Gagem ti nasao nga addang ket tapno mapalagipan dagiti ubbing wenno agtutubo, pakairamanan dagiti nagannak a masapol a liklikan ti agbuya ti porno ken dadduma pay a saan a nasayaat nga aramid.
Inlawlawag ni Respicio a kadagitoy a panawen ket arigna amin nga ubbing wenno agtutubo ket nakaiggem ti nagduduma ti klase na a gadgets isut gapuna a masapol a masursurwan dagitoy a saan nga agbuya kadagiti saan a maiparbeng a pabuya.
