LAOAG CITY – Nakalinya iti biang ti salun-at, pamastrekan, agrikultura, turismo ken local industry ti pakaiyalokaran ti pundo ti probinsia intono tawen 2021.
Segun kenni Gov. Matthew Marcos Manotoc, dagitoy ti maipangpangruna a maikkan ti pondo a makatulong iti umili.
Kuna na a kasapulan a maipaayan ti proyekto ken programa dagiti kailian kangrunaanna kadagiti nadakamat a sektor tapno matulungan dagitoy a makaabrot manipod iti COVID-19 pandemic.
Karaman ditoy ti ipaay ti probinsia babaen iti Small and Medium Enterprise Office, financial ken loan assistance kadagiti babassit ken dadakkel a negosiante.
Mamati ti Gobernador a babaen iti tulong ti Gobierno Probinsial ket makarugi dagiti kailian iti bassit a negosio, maipaayan ti trabaho dagiti napukawan ti panggedan, maitandudu dagiti local a produkto, matulungan dagiti mannalon ken mabiag iti benneg ti turismo ditoy Ilocos Norte.
