LAOAG CITY – Pinalubosan ti Sandiganbayan 5th Division ni Sen. Jinggoy Estrada a temporario a rumuar iti pagbaludan inton Agosto 26 para iti panagpa-X-ray-na iti tumengna iti maysa a pribado nga ospital.
Iti resolusion a naiparuk-at, inbatad ti korte a mabalin a rumuar ni Estrada iti pagabaludan iti oras ti alas-11 ti bigat para iti medical procedure-na iti Cardinal Santos Medical Center iti oras ti alas-1 ti aldaw.
Mainaig iti daytoy, manamnama ti panagsubli ti senador iti detention facility iti oras ti alas-3 ti aldaw kalpasan ti appointment-na.
Malaksid iti daytoy, nakaipalaon pay iti resolusion a ti senador ti angbayad ti amin a magastosna para kadagiti ospital, medical fees, transportasion ken dadduma pay a magastos.
Maipalgip nga immunan a kinumpirmaran ti legal counsel-na iti Sandiganbayan 2nd Division nga adda sagsagabaen ni Estrada nga osteoarthritis iti dua a tumengna.
Kabayatanna, manarimaan a nakabalud ni Estrada gapu kadagiti sangsangoenna a kaso a plunder ken graft nga adda pakainaiganna iti maipagarup anomalia iti flood control projects.
