LAOAG CITY – Nangipasa ti Sang. Panlungsod ditoy ciudad ti laoag ti resolusyon kas panangsuportar ken ni Pres. Ferdinand Bong Bong Marcos Jr. seknan dagiti kritisismo ni dati a Pres. Rodrigo Duterte.
Daytoy ket babaen ti initiatibo ni Sang. Panlungsod Member Atty. Jason Perera.
Malaksid iti daytoy ket nagikkat pay ni Perera kas miembro ti PDP Laban, kas panangrespetar ken suporta na ken ni Pres. Marcos.
Segun ken ni Perera, daytoy nga akusasyon ken Marcos ket awan ti kaipapanan na, a rumbeng laeng nga ipakita ti suporta kenkuana kontra ti pamilya Duterte.
Kabayatanna, nag-abstain met ni Liga ng mga Barangay President Arbee Ablan iti nakamat a resolusyon.
Segun kenkuana ket umannamong isuna iti un-ecovocal support ngem ti denouncing ket saan, sipod ta no karaman ti pamilya ket karaman metten ni Bise Presidente Sara Duterte.
Malaksid pay ken ni Ablan, ket kiniddaw pay ni Sang. Panlungsod member Handy Lao a saanen a makiraman isuna iti nadakamat a resolusyon.
