LAOAG CITY – Naduktalan ni Sang. Panlungsod Atty. Jayson Perera nga awan ti ti nakaimaldit a nagan ni Engr. Alejandro Bong Taylan kadagiti empleado ti galyeraan ditoy ciudad ti Laoag.
Daytoy ti rason no apay a kwinestyunaran na ni Taylan no ania a talaga ti akem na iti Sport Complex.
Iti laksid nga imbatad ni Taylan nga isuna ket maysa kadagiti mangmanamanihir iti Cockpit Arena.
Kuna ni Perera a maysa kadagiti requirement ti galyeraan ket agbayad kadagiti amin a masapol a bayadan ken ti pannakaipasa ti nagan ti amin nga empleado ngem napaay a nakailista ti nagan ni Taylan iti listaan.
Innayonna pay a ti ammu na ket 350,000 a pisos laeng ngem naduktan da nga umabot gayam iti nasurok a maysa a milyon a pisos no sadinno a daytoy a gatad ket sipud pay idi Enero, 2023.
Nammuan pay nga ado a tawenen a saan a nagoperar ti galyeraan sipud ta masansan ti illegal a panagop-operar da a saan a rumbeng a patunuynoyan, no sadinno a kadagitoy laeng nga in-settle ti franchisee dagiti buwis, bayad ti upa ken dadduma pay a subcharges ti nadakamat nga Sports Complex.
Segun ken ni Perera namin adon a sinuratanen ti City Treasurer ditoy ciudad ti Laoag dagiti mangmanmanihir ti galyeraan, no sadinno a kiniddaw da ti tulong ni Perera tapno dagos nga agrespond dagiti maseknan.
Kabayatanna, agtultuloy pay laeng ti pannakatratar daytoy nga ken inadmitir met ni Atty. Perera a nagung-unget isuna iti galyeraan.
