LAOAG CITY – Dimmawat ti pammakawan ni Senador Juan Miguel “Migz” Zubiri ti pamilia iti dati a veteran host ken entertainment journalist a ni Lourdes Carvajal wenno ad-adda nga am-ammo iti publiko a ni “Inday Badiday,” kalpasan a nadakamat ti senador ti nagan ti nasao a veteran host ti naganna idi Lunes iti Senado.
Babaen iti social media post, binigbig ti senador nga “slip on the tounge” wenno aksidente laeng a nadakamat daytoy kalpasan ti saan nga umannugot iti video presentation ni Senadora Imee Marcos mainaig iti plano a pannakaipatungpal a mapaatiddog ti charter change wenno Cha-Cha term iti plano iti agdama a gobierno.
Kabayatanna, inlawlawag ti senador a dakkel iti respetona kenni Carjaval a nalatak iti showbiz talk show a “See True” at “Eye to Eye” idi dekada ‘80 ken ‘90.
Nangrugi ti nasao nga isiyu kalpasan a saan nga immannugot ti senador iti dinakamat ni senadora Imee Marcos babaen iti video a naglaon ti charter change ken term extension a naipakita iti plenario.
Inrakurak ni Zubiri a ti nasao a video ket maysa nga “horrible propaganda” ken kiniddawna a maikkat daytoy iti video iti senate record nga immannugot met ti miembro ti minority bloc ngem kinontra daytoy ni Sen. Rodante Marcoleta.
Iti katengaan iti sesyon, nadakamat ni Zubiri ni Inday Badiday kabayatan ti diskusionna mainaig iti panangtalantan iti uneg ti Senado.
