LAOAG CITY – Naglikudan ni Commission on Elections (Comelec) Chairman George Erwin Garcia ti posibilidad ti maysa a “no-election” scenario inton 2028 a maipagarup a mangpaatiddog iti termino ni Presidente Ferdinand Marcos Jr.
Inaramid ni Garcia ti rakurak kas sungbat ken ni Senadora Imee Marcos maipanggep iti posibilidad ti saan a panangisayangkat ti eleksion inton 2028.
Kunana nga imposible a mapasamak daytoy gapu ta nalawag nga ibilbilin ti Konstitusion ti panangiwayat ti eleksion.
Kunana a rugrugianen ti Commission on Elections ti panagsagsagana para iti presidential elections uray dua a tawen pay sakbay daytoy nga isayangkat.
Karaman kadagiti ad-adalen ti ahensia ti automation ti eleksion, maminsan a panaglukat ti voter registration ken panangtalantan kadagiti rules ken guidelines para iti eleksion.
Immunan a naglikudan ni Presidente Marcos ti isyu ti “no-election scenario,” idinto nga inawagan met daytoy ti Malacañang a maysa a “diversionary tactic.”
