LAOAG CITY – Inlawlawag ti maysa nga heath practitioner a ni Dr. Alan Taylan, Internal Medicine ti St. Camillus De Lellis General Hospital dagiti sakit a sagsagabaen ni Sen. Rodante Marcoleta.
Segun ken ni Dr. Taylan, ti pneumonia ket maysa nga impeksion iti bara ti maysa nga indibidual a mabalin a makapasar ti low risk, moderate risk ken high risk.
Inbatadna a maala ti pneumonia manipud iti bacteria wenno virus no sadinno a ti sumagmamano a sintomas daytoy ket aguyek, aggurigor, saan a makaanges ken alisto a mabannog.
Inlawlawagna a ti cardiomegaly ket ti panagdakkel ti puso ti maysa a tao a mangdegdeg pay ti mapaspasaranna nga hypertension.
Kunana a ti degenerative disc disease ket gagangay a marikna dagiti natataengan nangruna kadagiti agtawen ti 60 agingga 70.
Innayonna a ti napateg ket masapul a makontrol ti blood pressure ti maysa a pasiente tapno saan a maatake iti puso.
Maipalagip a manamnama a dumalan ni Senador Marcoleta ti innem a rehabilitation therapy sessions pakairamanan pay ti regular intake-na a pain relievers.
