LAOAG CITY – Nangipila ti kaso a plunder ti Ombudsman kontra ken ni Senador Rodante Marcoleta mainaig iti maipagarup a saan nga indeklarar a P75 milyon a campaign donations a naawatna idi 2025.
Ti reklamo ket naipila iti Sandiganbayan ken karaman iti kaso dagiti donor nga isuda dati a kongresista Mike Defensor ken dagiti negosiante nga isuda Aristotle Viray ken Joseph Espiritu.
Segun kadagiti mangtingtingiting, saan nga indeklarar ni Marcoleta ti nasao a gatad iti Statement of Assets, Liabilities, and Net Worth wenno SALN ken Statement of Contributions and Expenditures banag a limmabes iti P50 milyon a threshold ti plunder iti babaen ti Republic Act 7080.
Iti counter-affidavit-na, inadmitir ni Marcoleta a naawatna ti donasion ngem inpettengna a daytoy ket manipud kadagiti pribado a pagayam ken nausaren iti kampania sakbay pay a naisubmitir ti Statement of Assets, Liabilities, and Net Worth daytoy.
Kabayatanna, nangisayangkat ti tallo nga aldaw a tignay protesta dagiti miembro ti Iglesia ni Cristo kas suporta iti Senador no sadinno a nagsarita met da Senadora Imee Marcos ken dati a kongresista a ni Mike Defensor.
Agtultuloy a nakapenpen ti panagdengngeg iti Sandiganbayan ken nakasagana ti Criminal Investigation and Detection Group nga ipatungpal ti warrant of arrest apaman nga iparuk-at daytoy ti korte.
