LAOAG CITY – Sinungbatan ni Sen. Rodante Marcoleta ni Senate President pro-tempore Ping Lacson kalpasan a kumpirmaren ti maipagarup a P500 million allocables dagiti proyekto manipud iti Department of Public Works and Highways (DPWH).
Inpetteng ni Marcoleta a saan man laeng intudo ni Lacson iti partial report ni dati nga House Speaker Martin Romualdez.
Kunana a ti inaramidna laeng ket irekomendar ni Romualdez para iti fact-finding nga imbes iti preliminary investigation aglalo ket naitudo ni Romualdez ken kasoan ti Ombudsman kas maipagarup a mastermind ti flood control scam.
Kukwestionaran ni Marcoleta no apay a saan a karaman iti mairekrekomendar para ti naun-uneg nga imbestigasion para iti panangipila ti kaso da dati nga Undersecretary ken Presidential Liaison Office Head Adrian Bersamin ken dati a Justice Usec. Jojo Cadiz.
Kinontra pay ni Marcoleta ti baro a pammerperdi kenkuana ni Lacson mainaig iti allocables iti Department of Public Works and Highways.
