LAOAG CITY – Kalikagum ti Sangguniang Panlungsod ditoy siudad ti Laoag a mabantayan ti authorization nga it-itedda ken ni Mayor Michael Marcos Keon.
Segun ken ni Konsehal Jason Perera, no bilang kalpasan a maaprobaran ti resolusion a mangited ti bileg iti Local Chief Executive ket mabaliwan ti linaonna ken sabali ti maipatungpal.
Inbatadna kas ti resolusion ti maysa kadagiti Konsehal maipanggep iti pannakaipaay ti diskuento.
Gapu iti daytoy, gagem ti konseho nga adda ti mabukel a grupo a mangmonitor no ti mait-ited nga authorization iti Local Chief Executive ket isu met laeng ti masursurot.
