LAOAG CITY – Mangisayangkat ti ocular inspection ti Sangguniang Panlungsod ditoy ciudad ti Laoag gapu iti umir-irot a trapiko.
Segun ken Sang. Panlungsod Member Bryan Alcid, ti Chairman on Committee on Transportation masapul a makita da ti sitwasyon ti trapiko no rush hours.
Kagiddan iti daytoy ket kalikagomda nga urnosen dagiti masapul a mai-implementar tapno mapaannayas ti trapiko gapu ta umir-iroten ti trapiko ditoy ciudad, nangruna iti sentro ti Laoag.
Adda metten dagiti suhesyon iti akin abagatan a paset ti karayan a “no left turn” ken “one way” laengen.
Kuna ni Alcid a no mayat ti pannaka-implementar na daytoy iti unos ti 90 nga aldaw ket itultuloy da nga i-emplementar ngem no saan ket ipasardeng da.
Kabayatanna, maipalagip a namunganay daytoy kalpasan ti manamnama a panaglukat ti dakkel a mall ditoy ciudad.
