School buildings iti intero a pagilyan, marugyanen a mavalidate

LAOAG CITY – Marugyanen a ma-validate dagiti school buildings a plano a maipasdek iti intero a pagilyan intono Marso ita a tawen.

Daytoy ti inpakaammo ni Department of Education (DepEd) Secretary Leonor Briones.

Inbatad ni Briones a masapol a ma-validate nga umuna dagiti school buildings sakbay a naan-anay a maiyawat ti Department of Public Works and Highways (DPWH).

Inpakaammo na a ditoy a maestablisar no manu ti pondo a mausar para ti pannakaipasdek dagiti nasao a building.

Innayon na a ti pondo ti maysa a building ket agdepende ti lugar a pakaipasdekan na.