LAOAG CITY – Inpalgak ti Schools Division Superintendent ditoy siudad a ni Dr. Joan Corpuz, a maragsakan daytoy a ti Schools Division ti Laoag City ket kalpasan ti lima pulo a tawen ket addaan ti umuna a puesto iti Region 1 Athletic Association Meet 2024.
Daytoy ket kalpasan a nalab-awan ti Schools Diviosion ti Laoag City ti Schools Division ti Pangasinan II ti sangapulo ket siam a balitok a medalya iti partial ken unofficial Medal Tally idi laeng kalman iti alas 6:30 ti rabii.
Segun kenkuana ket, nakagun-od ti duapulo ket siam a balitok a medalya ti gymnastics elementary and secondary category.
Inbatadnna a nasurok tallo bulan ti nagbalin a panag-ensayo dagiti atleta manipud ditoy siudad no sadinno dakkel ti nagbalin atulong dagiti national ken local trainers a pakairamanan pay ni Mayor Micheal Marcos Keon a kas maysa kadagti nagbalin a trainer kadagiti atleta.
Gapu iti daytoy, kayat ti Schools Division ditoy siuadad nga itultuloy ti panaggun-odda ti ummuna a puesto kadagiti sumarsaruno nga Region 1 Athletic Association Meet.
Mainaig iti daytoy, naragasak da Eirun Jimmuel Placido ken Rey Christopher Cu a nakagun-od ti balitok a medalya iti Badminton Secondary – Boys Doubles ti Schools Division ditoy siudad kontra iti Schools Division Ilocos Sur.
Segun kadakuada ket naragsak dagitoy gapu ta amin a rigat da bayat ti panag-ensayoda ket nagun-odda ti arapaapda a makipaset ti Palarong Pambansa.
Inbatadda a masapol nga adda ti komunikasion ti tunggal maysa ken disiplina.
Kabayatanna, nagayaman dagitoy kadagiti nagbalin a national ken local trainors, coaches ken nangruna iti lokal a gobierno nga indauloan ni Mayor Keon ken Superintendent Dr. Corpuz gapu iti naipaay dagitoy a tulong kadakuada nga atleta ditoy siudad.
