LAOAG CITY – Negatibo ti resulta ti search warrant operation nga inyuswat ti PNP CIDG ken INPPO iti pagtaengan ni Freddie Alog iti Barangay Nalbo ditoy ciudad ti Laoag.
Naipalaon iti search warrant nga inparuk-at ti Branch 14 a ti biruken dagiti otoridad ti kalibre 38 ken kalibre 45 a paltog ken balbala.
Ummuna iti daytoy, naiyuswatan ti search warrant operation ti pagtaengan ni Alog gapo ta maipagarop nga adda ti ikot na kadagiti nadakamat a paltog.
Mainaig iti daytoy, nagkedked met ni Alog a mangipaay ti komento kasta met dagiti opisyal ti barangay ken dagiti otoridad a nangisayangkat ti operasyon.
