LAOAG CITY – Postibo ti naiwayat nga search operation iti pagtaengan ti subject ti operasyon a ni Jodel Bumacud, agtawen ti 20, addaan ti live-in partner idiay Brgy. Poblacion 2 iti ili ti Currimao,
Iti inisyal a panagsukisok dagiti kameng ti PNP Currimao, nakaala da ti sumagmamano a sachet a naglaon ti maipagarup a shabu.
Inmatangan met dagiti opisyal ti barangay ti nasao nga operasyon ti PNP.
Naamuan ti Bombo Radyo Laoag a saan nga drug surenderee ni Bumacud.
Mainaig iti daytoy, naglikodan ni Bumacud nga agus-usar ti iligal a druga.
Kuna met ni Mrs. Judy Bumacod, ina ti subject, nga awan ti ammo na iti naiwayat nga operasyon.
Inbatad na a ti manong ti anak na ti dati nga agus-usar ti maipagarup nga iligal a druga.
