LAOAG CITY – Inrubuat ti Philippine National Police (PNP) ti security plan iti intero a pagilian tapno maliklikan ti panagngato ti insidente ti krimen iti baet ti rotational brownouts.
Ti nasao a pammilin ket tapno masigurado ti alisto a tignay kadagiti lugar a maapektaran ti naikeddeng a panagpukaw ti koriente kagiddan ti Red Alert nga inyetnag ti National Grid Corporation of the Philippines (NGCP) ken panangipatungpal ti rotational brownouts ti Meralco.
Inbatad ni PNP Chief General Jose Melencio Nartatez Jr. nga inbilinna ti amin a Regional and Provinicial Directors a paigetan ti foot ken mobile patrols nangruna kadagiti residential ken commercial areas a naapektaran ti nasao a panagpukaw ti serbisio ti koriente.
Kunana nga inbilinna dagiti kapulisan nga agusar ti blinkers ken searchlights tapno maammoan dagiti tattao nga adda ti pulis iti aglawlaw.
