LAOAG CITY – Naminsan nga inpaganetget ti maysa kadagiti co-chair ti House Quad Committee ti karit daytoy kada Sen. Ronald “Bato” dela Rosa ken Sen. Lawrence “Bong” Go a pagtalinaeden ti kredibilidad ti Senado maipanggep iti maiwaywayat a panagdengngeg iti war on drugs ti dati a Pres. Rodrigo Duterte.
Segun ke ni Santa Rosa Laguna Rep. Dan Fernandez, naskena a maaddaan ti delicadeza dagiti dua a Senador nangruna ket adu nga ebidensia a ti chief implementer ti anti-drug campaign ti dati nga administrasion.
Nagpanawagan ti House leader kada Senate President Francis Escudero ken Sen. Aquilino Pimentel lll a bagaan dagiti kakaduada a saan a makiramraman iti imbestigasion ti Senado.
Mamati ni Fernandez iti sense of fairness and impartiality dagiti dua a senate leaders.
Inbatad ni Fernandez ni Dela Rosa ti overall incharge iti anti drug war campaign idinto a ni Go ti incharge iti reward system.
Kunana a saan a basta a makiramanda iti panagdengngeg ti Senado dagiti dua a Senador iti babaen ti impartial ken unbiased a wagas.
