LAOAG CITY – Saan pay a nagpakita ni Sen. Ronald “Bato” dela Rosa iti kaudian a plenary session ti Senado.
Adda laeng ti 18 a Senador ti nagatendar kalpasan a nagsubli ti sesyon manipud iti atiddog nga Undas break iti kallabes.
Ti agtultuloy a saan a panagatendar ni Dela Rosa ket maob-obserbar kalpasan ti kontrobersial a rimmuar iti napalabas a lawas mainaig iti kasona.
Inrakurak ni Ombudsman Crispin Remulla a maipagarup nga addan ti inparuk-at nga arrest warrant ti International Criminal Court (ICC) kontra iti Senador.
Nupay kasta, inisida daytoy a naglikudan dagiti otoridad a nangibaga nga awan ti kinapudnona ti nasao nga impormasion.
Ni Sen. Bato ket dati nga hepe ti Philippine National Police ken maysa kadagiti kangrunaan a personalidad iti panagkampania kontra iti droga ti napalabas nga administrasion.
Mainaig iti daytoy, ti agtultuloy a saanna a panagatendar iti sesyon ket mangituntunda ti espekulasion iti publiko mainaig iti kasasaadna ken posible nga epekto dagiti alegasion kontra kenkuana.
Nupay kasta, immunan nga inpetteng ti Senador a sangoenna ti International Criminal Court ken nagboluntario pay daytoy a mangasikaso ken ni dati a Presidente Rodrigo Duterte no maibalud met isuna idiay The Netherlands.
