LAOAG CITY – Nagpnawagan manen ni Senador Imee Marcos iti gobierno iti pannakasuspenso ti Value-added Tax (VAT) iti produkto a petrolyo tapno maalay-ayan ti epekto ti agtultuloy a panagngato ti presyo ti krudo iti sektor ti panagkalap ken agrikultura.
Segun ken ni Marcos, marikna ti nagduduma a paset ti pagilian ti kadagsen ti magastos iti diesel ken arigna saanen a makapan agkalap dagiti mangngalao gapu iti kinangina ti krudo ken nagballaag a mabalin a naan-anay a malugi ti babassit a mangngalap no awan ti dagus a tulong ti gobierno.
Kalpasan iti daytoy, inlungalong ti senador ti temporaryo a panangikkat ti VAT iti petrolyo, partikular para iti municipal fisherfolk ken dagiti rehistrado acommercial fishing operators ti Bureau of Fisheries and Aquatic Resources (BFAR)
Inpaganetget na ti kasapulan a pannakaipaay ti tulong tapno maalay-ayan ti nangato a gastos iti produksyon dagiti mannalon ken mangngalap a mabalin a makaapektar iti suplay ti taraon ken mangitunda ti panagngato ti presyo iti merkado.
